Ինչպես տեղեկացնում են թուրքական լրատվամիջոցները, կոնգրեսականներ Հովարդ Բերմանի, Նիտա Լոուեյի Էլիոթ Էնջելի, Բրեդ Շերմանի, Սթիվ Իսրայելի, Շելլի Բերքլիի և Ադամ Շիֆի կողմից ներկայացված թիվ 83 բանաձևում Բարաք Օբամայի վարչակազմին կոչ է արվում կասեցնել Թուրքիային 11 միլիոն դոլար ընդհանուր արժողությամբ սպառազինություն վաճառելու գործարքը։
Կոնգրեսականները՝ որպես իրենց կոչը հիմնավորող փաստարկ, նշել են Թուրքիայի կողմից Միացյալ Նահանգների դաշնակիցներ համարվող Իսրայելի, Հայաստանի և Կիպրոսի նկատմամբ ցուցաբերվող բացասական վերաբերմունքի առնչությամբ ունեցած լուրջ մտահոգությունները։
«Թուրքիան շարունակում է սպառնալ Իսրայելին, շրջափակման մեջ պահել Հայաստանին, շարունակվում է Կիպրոսի թուրքական օկուպացիան։ Անկարան, ով մեր դաշնակիցն է, միևնույն ժամանակ բացասական դիրքորոշմամբ է հանդես գալիս մեր բարեկամների և դաշնակիցների դեմ։ Միացյալ Նահանգները Թուրքիային զենք վաճառելու փոխարեն պետք է ուշադրությւոն դարձնի այդ լուրջ մտահոգություններին»,– նշվում է ամերիկացի օրնեսդիրների՝ Կոնգրեսի Ներկայացուցիչների պալատին ներկայացված բանաձևում։
Թերթ.am